Көктемнің көрікті мерекесі — 8 Наурыз қарсаңында «Крупский негізгі жалпы білім беретін мектебінің» КММ бастауыш сынып мұғалімі Кишкунова Ольга Владимировна білім беру жүйесіндегі адал еңбегі, жоғары кәсібилігі, жас ұрпақты оқыту мен тәрбиелеуге қосқан жеке үлесі, сондай-ақ кәсіподақ ұйымы қызметіне белсенді қатысқаны үшін Құрмет грамотасымен марапатталды. Бұл марапат – оның педагогикалық шеберлігінің, мамандығына деген адалдығының және оқушыларына деген шынайы қамқорлығының айқын дәлелі. Ольга Владимировнаны шын жүректен құттықтай отырып, алдағы уақытта да толағай табыстар, алғысқа толы шәкірттер, зор денсаулық және жаңа кәсіби жетістіктер тілейміз!
